Wintergatan (SE)
Wintergatan er framhaldet på det musikalske eventyret den genierklærte Martin Molin gav seg ut på med det skamroste, og fleirfaldige Grammisnominerte, bandet Detektivbyrån. Kvartetten Wintergatan skapar ei heilt eiga musikalsk verd når dei mønstrar på scena i Øystese i juli. Einkvar backlineteknikar vert yr når oppsettet skal koplast. Her finst klokkespel, vibrafon, speledåse, analogsynth, trekkspel, theremin, diaprosjektor, modulin og ytterlegare 26 (!) instrument. Det som kan verka som eit totalt lydkaos er tvert om ein audiell fryd i skjeringspunktet mellom Yann Tiersen og Swedish House Mafia. Altså noko særeige!