Casa Murilo (UK/N)
Frå England, via Brasil – no liveyndlingar i Noreg: Casa Murilo!
Dei siste par åra har Casa Murilo klatra målretta oppover i den tette norske indiejungelen, og de har allereie makta å etablera seg som eit av dei mest aktuelle banda innan sin sjanger. Litt på same vis som Mumford & Sons, klarar dei å skapa et sjeldsynt, komfortabelt folkrock-driv ein ikkje trøyttast av. Musikken oppmodar til allsong og ber deg av garde, heilt til du innser at det er berre å overgje seg og henga seg på den stendig veksende fanskara til bandet som er kjend for sine strålande konsertar. Det seier litt at dei etter eit klubbshow på Øyafestivalen i august, vart omtala som ”Norges Beste Band” i magasinet Plan B. Casa Murilo vart starta av britane Chris Winfield og Daniel Hesketh, medan dei levde livets glade dagar i Salvador i Brasil. Kurtisert av norske kvinner enda dei i Oslo. Bandet vart snøgt utvida til 6 musikarar og i mars 2011 gav dei ut debutalbumet “Lifting Ships”, som hovudsakleg handla om Chris og Dan sine opplevingar frå tida i Brasil. I løpet av hausten 2012 kjem oppfylgjaren, gjeven ut av Sony Music Norway.
Casa Murilo heimeside
Casa Murilo på Facebook
Casa Murilo på Twitter
Casa Murilo på Soundcloud
